Салымбеков Университет Ош шаарынын мэриясы, Ош шаардык билим берүү башкармалыгы, жана Ош шаарындагы Салымбеков бизнес мектеби менен биргеликте мектеп окуучулар үчүн “Билим берүүдөгү заманбап тенденциялар, мектеп билим берүүсүнүн келечектеги орду” аталышындагы семинар өткөрдү.
⠀
Иш чаранын жүрүшүндө Ош шаарынын мэринин орун басары Нурбек Кадыров сөз сүйлөп, билим алуунун маанилүүлүгүн баса белгиледи.
⠀
Ош шаарынын окуучулары жана мугалимдерине дүйнө жүзүндө болуп жаткан технологиялык өзгөрүүлөрдүн билим берүү жана эмгек рыногуна тийгизип жаткан таасирлери, 21-кылымдагы алдыга чыгып жаткан IT технологиялар жана биотехнология сыяктуу багыттардын орду жөнүндө баяндамалар көрсөтүлдү.
⠀
Семинардын спикерлери:⠀
Абдылдаев Рысбек(профессор, онколог, медицина илимдеринин доктору), Салымбеков Университеттин вице-президенти – “ Медицинадагы жасалма инттелект”.
⠀
Билгазиев Эмиль (PhD), Америка Технологиялар Институнун негиздөөчүсү, АКШнын Хьюстон университетинин жасалма интеллект багытында докторлук (PhD) даражасын алган, 15 жылдан ашык Facebook, Instagram, UBER сыяктуу ири компаияларда ага инженер – «Батыш өлкөлөрүндө билим – бул акча»⠀
Казаков Аваз, Салымбеков Университеттин проректору – “Билим берүүдөгү заманбап тенденциялар, кесип рыногундагы өзгөрүүлөр, мектеп билим берүүсүндөгү реформалар”
