10-ноябрь Кыргызстандын Жаштар күнүнө карата Салымбеков Университетте “Акыл таймаш” интеллектуалдык таймашы өттү.
Маданият, маалымат спорт жана жаштар саясаты министринин орун басары Марат Тагаев жана Салымбеков Университеттин Эл аралык IT жана бизнес колледжинин директору Нурзат Жунушалиева жаштардын күнү менен куттуктап, оюнчуларга каалоо-тилегин айтып, таймашты ачып беришти.
Оюнга жогоркуу окуу жайлардын студенттеринен турган 15 команда катышты. Таймаштын жүрүшүндө катышуучулар Кыргызстандын тарыхынын негизинде даярдалган суроолорго жооп берип, алган билимдерин да бир ирет тастыкташты.
Жыйынтыгында алдыга оозуп чыккан тайпаларга байгелүү орундарды жана сыйлыктарды Кыргызстан жаштарынын конгрессинин төрагасы Жакшылык Бекназаров тапшырды.
“Акыл таймаш” интеллектуалдык оюну Кыргызстан жаштар конгресси тарабынан уюштурулуп, Маданият, маалымат, спорт жана жаштар саясаты министрлиги, “Агартуу лигасы” жана Салымбеков Университеттин колдоосу менен өттү.
