Билим кербени Караколдо !
Кыргыз Республикасынын Билим берүү жана илим министрлигинин демилгеси жана Кыргыз Республикасынын Президентинин Ысык-Көл облусундагы ыйгарым укуктуу өкүлүнүн аппаратынын колдоосу менен Каракол шаарында 9–11-класстын окуучулары үчүн «Билим кербени» аттуу кеңири масштабдуу иш-чара өттү.
Иш-чарага чет өлкөлөрдө билим алып, эл аралык компанияларда тажрыйба топтогон адистер катышты.
Алар мотивациялык жолугушууларды, мастер-класстарды өткөрүшүп, келечектеги кесиптер, Кыргызстандагы билим берүү тармагындагы өзгөрүүлөр, жаштар үчүн дүйнөлүк мүмкүнчүлүктөр жана социалдык өнүгүү боюнча маанилүү маалыматтарды беришти.
Иш-чаранын максаты — окуучуларды шыктандырып, алардын дүйнө таанымын кеңейтип, келечектеги кесибин тандоого жардам берүү жана сапаттуу билим менен социалдык жактан өнүккөн жаран болууга жол ачуу.
