Кыргыз Республикасынын ЖОЖдорунун координациялык жыйыны
2025-жылдын 16-сентябрында Бишкек шаарындагы Hyatt Regency мейманканасында Кыргыз Республикасынын жогорку окуу жайларынын координациялык жыйыны болуп өттү.
Иш-чара Кыргыз Республикасынын илим, жогорку билим берүү жана инновациялар министрлиги тарабынан Улуттук Erasmus+ кеңсеси менен биргеликте уюштурулду.
Жыйындын негизги максаты — илим жана билим берүү тармагындагы мамлекеттик саясатты натыйжалуу ишке ашыруу үчүн университеттердин, илимий уюмдардын жана министрликтин ортосунда бирдиктүү мамилелерди иштеп чыгуу, ошондой эле 2030-жылга чейинки стратегиялык демилгелерди талкуулоо болду.
Саламдашуу сөзү менен КР илим, жогорку билим берүү жана инновациялар министри Бактияр Сайпидинович Орозов жана министрдин орун басары Нурлан Кубатович Омуров чыгышты. Өз сөзүндө Нурлан Кубатович Омуров 2025–2030-жылдарга карата Кыргыз Республикасынын жогорку билим берүүнү өнүктүрүү стратегиясын сунуштады.
