Биздин жашоо абдан кызыктуу жана маӊыздуу! – дешет биздин студенттерибиз.
2024-жылдын 26-ноябрында Салымбеков университетинин Эл аралык IT жана бизнес колледжинин студенттери “Дордой” ассоциациясынын түзүлгөн күнүнө карата стол тенниси боюнча турнирге активдүү катышышты.
Ар бир катышуучу жеӊишке жетүү үчүн бар күчүн жумшады. Оюн адилеттүү, таза жана кызыктуу өтүп, баарына жагымдуу маанай жана алдыга умтулуу сезимин тартуулады.
Турнирдин жыйынтыгында уландар жана кыздар командаларынан жеӊүүчүлөр аныкталып, 1, 2, 3-орундардын дипломдору жана медалдары тапшырылды. Кут болсун жеӊишиӊер, балдар! 
Турнирдин уюштуруучуларына – Салымбеков университетинин администрациясына жана дене тарбиячыга чоӊ ыраазычылык билдиребиз.
Ал эми “Дордой” ассоциациясынын кызматкерлерин мекеменин түзүлгөн күнү менен чын жүрөктөн куттуктайбыз!
