2025-жылдын 17–19-октябры күндөрү байыркы Бухара шаарында (Өзбекстан) «Бала жана коом: саламаттык, өнүгүү жана тамактануу көйгөйлөрү» аттуу XII Евразиялык педиатрлар конгресси өттү.

2025-жылдын 17–19-октябры күндөрү байыркы Бухара шаарында (Өзбекстан) «Бала жана коом: саламаттык, өнүгүү жана тамактануу көйгөйлөрү» аттуу XII Евразиялык педиатрлар конгресси өттү.

Иш-чараны Өзбекстан Республикасынын Саламаттык сактоо министрлиги, Абу Али ибн Сино атындагы Бухара мамлекеттик медициналык институту жана Евразиялык педиатрлар федерациясы уюштурду.

Конгресске АКШ, Кытай, Россия, Казакстан, Кыргызстан жана башка өлкөлөрдөн 12 мамлекеттин 280ден ашуун адистери катышышты.

Кыргызстан менен Салымбеков Университетинин атынан профессор К.А. Узакбаев — Евразиялык педиатрлар федерациясынын президенти — активдүү катышып, балдардын аутизм спектриндеги бузулууларын диагностикалоо, дарылоо жана реабилитациялоо боюнча илимий баяндама жасады.

Конгресс педиатрия тармагындагы эл аралык кызматташтыкты чыңдоо, заманбап илимий жетишкендиктерди жайылтуу жана жаш изилдөөчүлөрдү колдоо максатында маанилүү аянтча болуп берди.

Кийинки, XIII Евразиялык педиатрлар конгресси 2026-жылдын 17–19-майында Кытайдын Сиань шаарында өтөт.