Международный IT жана бизнес колледжинин студент кыздары
“FEMALE IN SCIENCEPRENEURSHIP” иш-чарасына катышты
11-февралда Международный IT жана бизнес колледжинин биринчи курстун студенттери Кыздар жана аялдар илимдеги эл аралык күнүнө арналган маанилүү иш-чарага катышышты.
Талкуунун темасы:
«Акылдуу үй, акылдуу жашоо: көмүртек изин азайтууда энергия эффективдүүлүгүнүн ролу».
Иш-чара Инновациялык борбордо өтүп, анда катышуучулар заманбап технологиялар жана энергия эффективдүүлүгүндөгү тенденциялар тууралуу маалымат алышты, илим менен ишкердиктеги аялдардын ролун талкуулашты жана эксперттерден пайдалуу кеңештерди угушту.
Программалоо жана жасалма интеллект боюнча мастер-класс
Иш-чаранын алкагында биздин окутуучу Алия Бейшеева программалоо жана жасалма интеллект боюнча мастер-класс өткөрүп, катышуучулар практикалык көндүмдөргө ээ болушуп, IT тармагындагы актуалдуу технологиялар менен таанышты.
Мындай демилгелер биздин студент кыздарды алдыга умтулууга, идеяларын өркүндөтүүгө жана илим менен технологияга өз салымын кошууга шыктандырат
