SU Solutions — стартап жана бизнес-платформа катары иш алып барган IT лаборатория
Салымбеков Университетинин Эл аралык IT жана Бизнес колледжинин алдында түзүлгөн SU Solutions бүгүнкү күндө студенттер үчүн IT лаборатория, ошондой эле стартап жана бизнес-платформа катары ишмердүүлүгүн активдүү жүргүзүүдө.
SU Solutions’тун негизги максаты — колледж студенттерине алган билимдерин реалдуу IT долбоорлордо практика жүзүндө колдонууга, продуктыларды иштеп чыгууга жана рынокко багытталган чечимдер менен иштөөгө мүмкүнчүлүк түзүү. Лаборатория студенттерди ишкердик чөйрөгө аралаштырып, стартаптык ой жүгүртүүнү жана командалык ишти өнүктүрүүгө басым жасайт.
Учурда SU Solutions командасында 10 колледж студенти иштеп, алар 8 жергиликтүү долбоордун үстүндө иш алып барышууда. Алардын ичинен 4 долбоор ийгиликтүү жүзөгө ашырылып, калган долбоорлор ишке ашыруу баскычында турат.
SU Solutions IT лабораториясы студенттерге кесиптик көндүмдөрүн чыңдоого, чыныгы долбоорлордун негизинде портфолио түзүүгө жана Кыргызстандын ички рыногунун талаптарына жооп берген заманбап IT чечимдерин иштеп чыгууга жана ишке ашырууга кеңири мүмкүнчүлүктөрдү түзөт.
Келечекте SU Solutions стартап жана бизнес-платформа катары эл аралык долбоорлорду жана өнөктөштөрдү тартууну пландап, студенттерге дүйнөлүк деңгээлдеги тапшырмалар менен иштөөгө шарт түзүүнү көздөйт. Ошол эле учурда лаборатория жергиликтүү IT рынокту колдоо багытындагы стратегиясын ырааттуу улантат.
