Бүгүн Бишкекте «Европа жана Борбордук Азия университеттеринин ортосундагы кызматташууну бекемдөө: биргелешкен программалар, изилдөөлөр жана академиялык мобилдүүлүк аркылуу мүмкүнчүлүктөрдү кеңейтүү» аттуу эл аралык конференция башталды. Конференция Кыргыз Республикасындагы Erasmus+ Улуттук кеңсеси жана КР Билим берүү жана илим министрлиги тарабынан уюштурулууда. Биргелешкен уюштуруучулар: Салымбеков Университети, И. Раззаков атындагы Кыргыз мамлекеттик техникалык университети жана Адам Университети.
2025-жылдын 23–24-апрели
Парк Отель, Орозбекова көч., 87, Бишкек
Конференция Борбордук Азия жана Европадан 50гө жакын катышуучуну чогултат: окутуучулар, изилдөөчүлөр, Erasmus+ эксперттери жана билим берүү саясатын иштеп чыгуучулар.
Максаты: эл аралык кызматташууну өнүктүрүү, окуу программаларын модернизациялоо, изилдөөлөрдү бекемдөө, окутууну өркүндөтүү жана студенттердин мобилдүүлүгүн кеңейтүү.
Өзгөчө көңүл – туруктуу өнүгүү жана «жашыл» көндүмдөргө.
Жогорку билим берүүнүн келечегин чогуу түзөлү!
